بلاشبہ مجھے مکارم اخلاق کی تکمیل کے لیے بھیجا گیا۔

عربی متن

عَنْ أَبِي هُرَيْرَةَ رَضِيَ اللهُ عَنْهُ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: «إِنَّمَا بُعِثْتُ لِأُتَمِّمَ مَكَارِمَ الْأَخْلَاقِ».

ترجمہ

ابو ہریرہ رضی اللہ عنہ سے روایت ہے، وہ کہتے ہیں کہ اللہ کے رسول ﷺ نے فرمایا: "بلاشبہ مجھے مکارم اخلاق کی تکمیل کے لیے بھیجا گیا۔"

تشریح

اللہ کے نبی صلی اللہ علیہ و سلم نے بتایا کہ اللہ تعالی نے آپ کو عمدہ اور اچھے اخلاق کی تکمیل کے لیے بھیجا ہے۔ آپ پہلے آنے والے تمام رسولوں کے اختتام اور عرب کے اخلاق حسنہ کی تکمیل کرنے والی کی حیثیت سے بھیجے گئے تھے۔ کیوں کہ عرب خیر سے محبت اور شر سے نفرت کرتے تھے۔ وہ با مروت، دریا دل اور خود دار تھے۔ ایسے میں آپ ان کے اخلاق میں پائی جانے والی کمیوں، جیسے حسب نسب پر فخر کرنا اور تکبر کرنا اور مالی اعتبار سے کم تر لوگوں کو حقیر جاننا وغیرہ، کو دور کرکے اخلاق حسنہ کی تکمیل کے لیے بھیجے گئے تھے۔

فوائد

• اچھے اخلاق سے آراستہ ہونے اور بدخلقی سے دور رہنے کی ترغیب۔
• اسلام میں اخلاق حسنہ کی بڑی اہمیت ہے اور یہ اس کی ترجیحات میں داخل ہیں۔
• دور جاہلیت کے لوگوں کے اندر اخلاق حسنہ کے کچھ بچے کھچے اوصاف، جیسے سخاوت اور شجاعت وغیرہ موجود تھيں، چنانچہ اسلام ان کی تکمیل کے لیے آیا۔

موضوعات

• فضائل و آداب
• علمِ اخلاق
• اخلاقِ حمیدہ/ اچھے اخلاق