Wanda ya manta alhali yana azumi, sai ya ci ko ya sha, to ya cike aziminsa, kaɗai Allah ne Ya ciyar da shi kuma Ya shayar da shi

Rubutun Larabci

عَنْ أَبِي هُرَيْرَةَ رَضِيَ اللهُ عَنْهُ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: «مَنْ نَسِيَ وَهُوَ صَائِمٌ، فَأَكَلَ أَوْ شَرِبَ، فَلْيُتِمَّ صَوْمَهُ، فَإِنَّمَا أَطْعَمَهُ اللهُ وَسَقَاهُ».

Fassara

Daga Abu Huraira - Allah Ya yarda da shi - ya ce: Manzon Allah - tsira da amincin Allah su tabbata a gare shi - ya ce: "Wanda ya manta alhali yana azumi, sai ya ci ko ya sha, to ya cike aziminsa, kaɗai Allah ne Ya ciyar da shi kuma Ya shayar da shi".

Sharhi

Annabi - tsira da amincin Allah su tabbata agare shi - ya bayyana cewa wanda ya ci ko ya sha akan mantuwa alhali shi yana cikin azimin farilla ko nafila to ya cika aziminsa kada ya karya; domin cewa shi bai yi nufin karyawa ba, kawai shi wani arziƙi ne Allah Ya koro masa kuma Ya ciyar da shi Ya shayar da shi.

Fa'idoji

• Ingancin azimin wanda ya ci ko ya sha akan mantuwa.
• Babu zunubi akan wanda ya ci ko ya sha akan mantuwa; domin cewa shi bada zaɓinsa ba ne.
• Sauƙin Allah ga bayinSa da sauƙaƙa musu da ɗauke wahala da ƙunci daga gare su.
• Mai azimi ba ya karya aziminsa da wani abu daga abubuwa masu karya azimi sai idan sharuɗɗa uku sun cika: Na farko: Ya zama masani, idan ya kasance jahili bai karya azimi ba. Na biyu: Ya zama yana mai tinawa, idan ya kasance yana mai mantuwa, to aziminsa ingantacce ne kuma babu ramuwa akansa. Na uku: Ya zama yana mai zaɓi ba abin tilastawa ba shi ne ya ci abinda yake karya azimi da zaɓinsa.

Maudu'ai

• FIƘHU DA USULU
• FIƘHU NA IBADA
• AZUMI
• ABUBUBWA MASU ƁATA AZUMI