Wanda aka haramtawa sauƙi to an haramta masa alheri

Rubutun Larabci

عَنْ جَرِيرٍ رضي الله عنه عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: «مَنْ يُحْرَمِ الرِّفْقَ يُحْرَمِ الْخَيْرَ».

Fassara

Daga Jabir - Allah Ya yarda da shi - daga Manzon Allah - tsira da amincin Allah su tabbata a gare shi - ya ce: "Wanda aka haramtawa sauƙi to an haramta masa alheri".

Sharhi

Annabi - tsira da amincin Allah su tabbata agare shi - yana bada labarin cewa wanda aka haramtawa sauƙi to ba'a datar da shi ba a cikin al'amuran addini dana duniya haka da cikin abinda yake tasarrufi a cikinsa ga kansa, da kuma abinda yake tasarrufi a cikinsa tare da waninsa, to haƙiƙa an hana masa alheri gabaɗayansa.

Fa'idoji

• Falalar sauƙi da kwaɗaitarwa akan ɗabi'antuwa da shi, da zargin tsanani.
• Sauƙi da shi ne aka samu tsarin alkairan duniya da lahira da yalwatuwar al'amuransu, a kwai kishiyar hakan a cikin tsanani.
• Sauƙi mai fitowane daga kyawawan ɗabi'u da zaman lafiya, shi kuma tsanani mai fitowane daga fushi da zafin zuciya, saboda hakane tsira da amincin Allah su tabbata agare shi ya yi yabo ga sauƙi kuma ya zurfafa a cikinsa.
• Sufyanus Sauri - Allah Ya yi masa rahama - ya cea almajiransa: Shin kun san menene sauƙi? shi ne ka sanya al'amura a bigiransu, tsanani a bigiransa, laushi a bigiransa, takobi a bigiranta, bulala a bigiranta.

Maudu'ai

• FALALOLI DA LADUBBA
• FIƘHUN HALAYE
• HALAYE NAGARI