‌Babu imani ga wanda ba shi da amana, kuma babu Addini ga wanda ba shi da alƙawari

Rubutun Larabci

عَنْ أَنَسِ بْنِ مَالِكٍ رَضِيَ اللَّهُ عَنْهُ قَالَ: مَا خَطَبَنَا نَبِيُّ اللهِ صَلَّى اللهُ عَلَيْهِ وَسَلَّمَ إِلَّا قَالَ: «لَا إِيمَانَ لِمَنْ لَا أَمَانَةَ لَهُ، وَلَا دِينَ لِمَنْ لَا عَهْدَ لَهُ».

Fassara

Daga Anas ɗan Malik - Allah Ya yarda da shi - ya ce: Annabi - tsira da amincin Allah su tabbata agare shi - bai taɓayi mana wata huɗuba ba sai ya ce: «‌Babu imani ga wanda ba shi da amana, kuma babu Addini ga wanda ba shi da alƙawari».

Sharhi

Anas ɗan malik - Allah Ya yarda da shi - yana bada labarin cewa da wahala Annabi - tsira da amincin Allah su tabbata agare shi - ya yi huɗuba ko ya yi wa'azi sai ya ambaci al'amura biyu: Na farko: Babu imani cikakke ga wanda a ransa akwai ha'inci ga wani mutum a cikin dukiyarsa ko ransa ko kuma iyalansa. Na biyu: Babu Addini cikakke ga wanda yake ha'intar alƙawurra kuma yake warwaresu.

Fa'idoji

• Kwaɗaitarwa akan mayar da amana da kuma cika alƙawari, domin warwaresu yana tauye imani.
• Gargaɗarwa akan ha'intar amana da kuma warware alƙawari, kuma cewa hakan yana daga cikin manyan zunubai.
• Hadisin ya ƙunshi kiyaye amana da kuma alƙawarin da ke tsakanin Allah da bawanSa, da kuma wanda ke tsakanin halitta sashinsu da sashi.

Maudu'ai

• FALALOLI DA LADUBBA
• FIƘHUN HALAYE
• HALAYE NAGARI