Al-A'la

سَبِّحِ ٱسْمَ رَبِّكَ ٱلْأَعْلَى

Litakase jina la Mola wako Mlezi aliye juu kabisa.

ٱلَّذِى خَلَقَ فَسَوَّىٰ

Aliyeumba, na akaweka sawa.

وَٱلَّذِى قَدَّرَ فَهَدَىٰ

Na ambaye amekadiria na akaongoa.

وَٱلَّذِىٓ أَخْرَجَ ٱلْمَرْعَىٰ

Na aliyeotesha malisho.

فَجَعَلَهُۥ غُثَآءً أَحْوَىٰ

Kisha akayafanya makavu, meusi.

سَنُقْرِئُكَ فَلَا تَنسَىٰٓ

Tutakusomesha wala hutasahau.

إِلَّا مَا شَآءَ ٱللَّهُ ۚ إِنَّهُۥ يَعْلَمُ ٱلْجَهْرَ وَمَا يَخْفَىٰ

Ila akipenda Mwenyezi Mungu. Hakika Yeye anayajua yaliyo dhahiri na yaliyofichikana.

وَنُيَسِّرُكَ لِلْيُسْرَىٰ

Na tutakusahilishia yawe mepesi.

فَذَكِّرْ إِن نَّفَعَتِ ٱلذِّكْرَىٰ

Basi kumbusha, kama makumbusho yanafaa.

سَيَذَّكَّرُ مَن يَخْشَىٰ

Atakumbuka mwenye kuogopa.

وَيَتَجَنَّبُهَا ٱلْأَشْقَى

Na atajitenga mbali nayo mpotovu.

ٱلَّذِى يَصْلَى ٱلنَّارَ ٱلْكُبْرَىٰ

Ambaye atauingia Moto mkubwa.

ثُمَّ لَا يَمُوتُ فِيهَا وَلَا يَحْيَىٰ

Tena humo hatakufa wala hawi hai.

قَدْ أَفْلَحَ مَن تَزَكَّىٰ

Hakika amekwisha fanikiwa aliyejitakasa.

وَذَكَرَ ٱسْمَ رَبِّهِۦ فَصَلَّىٰ

Na akakumbuka jina la Mola wake Mlezi, na akasali.

بَلْ تُؤْثِرُونَ ٱلْحَيَوٰةَ ٱلدُّنْيَا

Lakini nyinyi mnapendelea maisha ya dunia!

وَٱلْـَٔاخِرَةُ خَيْرٌ وَأَبْقَىٰٓ

Na Akhera ni bora na yenye kudumu zaidi.

إِنَّ هَـٰذَا لَفِى ٱلصُّحُفِ ٱلْأُولَىٰ

Hakika haya yamo katika Vitabu vya mwanzo.

صُحُفِ إِبْرَٰهِيمَ وَمُوسَىٰ

Vitabu vya Ibrahimu na Musa.