Majiya: HadeethEnc.com, Hausa v1.25.0
Rubutun Larabci
عَنْ عُبَادَةَ بْنِ الصَّامِتِ رَضيَ اللهُ عنهُ أَنَّ رَسُولَ اللهِ صَلَّى اللَّهُ عَلَيْهِ وَسَلَّمَ قَالَ: «فِي الجَنَّةِ مِائَةُ دَرَجَةٍ مَا بَيْنَ كُلِّ دَرَجَتَيْنِ كَمَا بَيْنَ السَّمَاءِ وَالأَرْضِ، وَالْفِرْدَوْسُ أَعْلاَهَا دَرَجَةً وَمِنْهَا تُفَجَّرُ أَنْهَارُ الجَنَّةِ الأَرْبَعَةُ، وَمِنْ فَوْقِهَا يَكُونُ العَرْشُ، فَإِذَا سَأَلْتُمُ اللَّهَ فَسَلُوهُ الفِرْدَوْسَ».
Fassara
Daga Ubadah dan Samit - Allah Ya yarda da shi - cewa Annabi - tsira da amincin Allah su tabbata agare shi - ya ce: «Akwai darajoji ɗari a cikin aljanna, tsakanin kowace daraja kamar tsakanin sama da ƙasa ne, Firdausi it ce mafi ƙololuwarsu (a daraja), kuma daga nanne ƙoramun aljanna suke ɓuɓɓugowa, kuma a samanta ne Al’arshi yake. Idan zaku roƙi Allah to ku roƙe shi Firdausi».
Sharhi
Annabi - tsira da amincin Allah su tabbata agare shi - ya bada labarin cewa a cikin aljannar Lahira akwai darajoji da matsayi ɗari, tsakanin kowace daraja a nisa kamar tsakanin sama da ƙasa ne, kuma mafi ɗaukakar waɗanan aljannatan ita ce aljannar Firdausi, daga nan ne ƙoramun aljanna huɗu suke ɓuɓugowa, a saman Firdausi ne al’Arshi yake; idan zaku roƙi Allah to ku roƙe Shi Firdaus; saboda ita ce a saman dukkaninl aljannatan.
Fa'idoji
- Fifikon 'yan aljanna a matsayinsu, hakan kuma gwargwadan imani da ayyuka na gari.
- Kwaɗaitarwa akan roƙon Allah Firdausi maɗaukakiya daga gidajan aljanna.
- Firdausi ita ce mafi ɗaukakar gidajan aljanna, kuma mafificinsu.
- Yana kamata ga musulmi himmarsa ta zama maɗaukakiya, kuma ya yi ƙoƙari ya nemi mafi ɗaukakar matsayai kuma mafifitansu a wurin Allah - Maɗaukakin sarki -.
- Ƙoramun aljanna huɗu su ne ƙoramun ruwa da nono da giya da zuma waɗanda aka ambata a ciki AlƘur'ani a cikin faɗinSa - Maɗaukakin sarki -; {Kwatankwacin aljannar da aka yi wa masu tsoron Allah alƙawari a cikinta akwai ƙoramu na ruwa ba mai sakewa ba, da ƙoramu na nonon da ɗanɗanonsa bai canja ba, da ƙoramu na giya masu ɗaɗi ga masu sha da ƙoramai na tatacciyar zuma} [Muhammad: 15].
Sharhi: العربية
أخبر النبي صلى الله عليه وسلم أن في جنة الآخرة مائة درجة ومنزلة، ما بين كل درجتين من المسافة كما بين السماء والأرض، وأعلى هذه الجنان جنة الفردوس، ومنها تفجر أنهار الجنة الأربعة، ومن فوق الفردوس يكون العرش؛ فإذا سألتم الله فسألوه الفردوس؛ حيث هي فوق جميع الجنان.
- تفاوت أهل الجنة في منازلهم، وذلك بحسب الإيمان والأعمال الصالحة.
- الحث على سؤال الله الفردوس الأعلى من الجنة.
- الفردوس أعلى الجنة، وأفضلها.
- ينبغي للمسلم أن تكون همته عالية وأن يسعى ويطلب أعلى المنازل وأفضلها عند الله تعالى.
- أنهار الجنة الأربعة هي أنهار الماء واللبن والخمر والعسل المذكورة في القرآن في قوله تعالى: {مَثَلُ الْجَنَّةِ الَّتِي وُعِدَ الْمُتَّقُونَ فِيهَا أَنْهَارٌ مِنْ مَاءٍ غَيْرِ آسِنٍ وَأَنْهَارٌ مِنْ لَبَنٍ لَمْ يَتَغَيَّرْ طَعْمُهُ وَأَنْهَارٌ مِنْ خَمْرٍ لَذَّةٍ لِلشَّارِبِينَ وَأَنْهَارٌ مِنْ عَسَلٍ مُصَفًّى} [محمد: 15].